Tautoko | Rātā Foundation

Kei te hiahiatia e mātou he ao e rongo ai ngā tāngata katoa i te tautoko, e kore ai te aha e haukoti i tā rātau whai oranga pai.

Ka hāngai tēnei whakakitenga ki ngā wawata Māori mō ngā whānau kia whai mana motuhake.

Kua hangā ō mātou hononga i runga i te uara o te mahi tahi - arā ko te mahi ngātahi ki te tautoko i ngā hapori Māori kia kaha kia hihiri huri noa i ngā takiwā tuku pūtea.

He hōhonu noa ake te tūmau o Rātā ki ngā iwi me ngā hapū o te takiwā tēnā i te tuku pūtea noa.

Mā roto i ngā hōtaka e haumi ai mātau me ngā rauemi e tuku ai e mātou, kei te hiahia mātou ki te tautoko i te whakapakari raukaha me te whakakaha anō i te hapori Māori. Kei te wāhanga Rauemi i runga nei ngā utauta maha hei āwhina ki te whakakaha i āu mahi.

Me Pēhea te Tono

Ngā ataata Me Pēhea te Tono i te reo Pākehā.

Mātai ataata

Rauemi

Utauta hei āwhina i tāu mahi.

Hei akoranga anō

Ngā Kaupapa o te Wā

He āheinga me ngā taiopenga whakapakari rauhaka.

What's On

He tīwhiri mō te pūtea tautoko

Ā mātou whakaarotau e rima

Ko ngā aronga o tā mātou pūtea kei ēnei take matua:

• Te Ako – kia whai āheinga tautika ki te ako tonu i roto i ngā tau

• Te Tautoko – te tautoko i te tāngata kia tōnui te noho

• Te Tūhono – kia whai hononga ki te tāngata, ki te wāhi, ki te ahurea

• Te Whai Wāhi Mai – te turaki taero hei whakawātea i te ara

• Te Ukauka – kia kaha ake anō te toitūtanga taiao

Ngā Mea Tautokona e Mātou

• Ngā utu ā-kaupapa me ngā utu whakahaere (he pūtea iti, he pūtea nui anō)

• Ngā kaupapa hanga whare hei whakamana tomopai ki ngā whare me ngā ratonga whakaea matea

• Te whakapakari raukaha rāroto

Ka Tautokona ko:

• Ngā Manatōpū

• Ngā Kaupapa Atawhai

• Ngā Rōpū Monihua-kore

• Ngā Rōpū Mahi Ngātahi

He Tīwhiri Tuhi Tono

• Me hāngai ngā tono katoa ki tētahi o ā mātou whakaarotau e rima

• Kia mārama, kia poto te tono

• Waea mai ki te kōrero mō te māraurau, mō te tukanga tono rānei

• Ka taea te tono i ngā wā katoa. Me rite koe kia 10 wiki te roa e rongo ai koe mō ngā pūtea iti (iti iho i te $20,000), kia 4 marama mō ngā pūtea nui (nui ake i te $20,000)