Mahi Tahi

The heartbeat of the rātā sustains the people

Nā Ngāi Tahu te whakataukī nei i takoha mai, hei whakapuaki i tō mātou whāinga - e takakawe ana kia taurite, kia toitū te pāpori i raro i te korowai o Te Tiriti o Waitangi - hei reira whakamanahia ai ngā tāngata katoa kia tōnui te noho.

Ka whakapuaki hoki i tō mātou hiahia ki te tūhono ki ngā uara me ngā mātāpono o Te Ao Māori, hei tautoko i ngā wawata Māori, hei mahi tahi anō.

Arā noa atu ngā ara kua whāia i tēnei haerenga whai māramatanga i ēnei ngahuru tau.

Kua nui te pānga o Rātā e ngā mea i rangona ai, i wheakotia ai e mātou i aua ara.

Ināianei, ko tā mātou mahi ki ngā hapori katoa ka ārahina e ngā akoranga o te hīkoi tahi ki te Māori.

I roto i ngā tau kua whakakaha, kua whakawhanake hoki mātou i ō mātou hononga mana-ki-te-mana ki ngā iwi, ki ngā hapū, me ngā whānau; mā te whakawhānui i ngā uara o te manaakitanga me te kotahitanga, mā te whai wāhitanga whaitake, auau hoki, kanohi ki te kanohi.

Kua whai wāhi hoki ki te haerenga whai māramatanga ko te raukaha ā-ahurea o Te Tumu Rātā. Auau noa ana ngā hui mā ngā kaimahi kia whai tikanga, kia ako hoki rātou i te reo. Kai te mārama hoki mātou ka hōhonu ake ō mātou hononga ki te ao Māori ina kite ana ngā kaimahi i a rātou anō i ā mātou kōrero, i ngā uara, me te mātauranga Māori.

Nā te ariā o te whanaungatanga a Rātā i ārahi kia pai ake te mārama me te tautoko i ngā hiahia o te hapori ki te anamata tahi o te kotahitanga.

Kei te hiahiatia e mātou he ao e rongo ai ngā tāngata katoa i te tautoko, e kore ai te aha e haukoti i tā rātou whai oranga pai.