Rangitāne

Te Rūnanga a Rangitāne o Wairau

I Aotearoa, kua tuia katoatia ngā tāngata, me ngā wāhi me ngā tūhononga ki rō pakiwaitara. E tika ana kia whaia te Rātā Foundation i tōna hīkoi māramatanga kia mōhio ai i ngā wawata o ngā iwi, ngā hapū me ngā whānau mai i Waitaha, Te Tauihu o Te Waka-a-Māui me Wharekauri.

I te tau 2019, ka tīmata Te Rūnanga o Rangitāne ki Wairau ki te whiriwhiri haere i a rātou anō, ā, ka whakairo rātou i tētahi tauihu tīra, me te parāhi, hei maumaharatanga ki te tauihu o te waka a Kurahaupō.

I whakairohia e te tōhunga a Hēmi te Peeti, ā, i huraina ai i te Whiringa-ā-Rangi o te tau 2019, e hāngai tika ana ki ngā whakanuinga Tuia 250.

E ai ki tō rātou kaiwhakahaere a Nicholis Chin, ko te take he tirotiro haere i ngā kōrero me ngā tikanga o te kāinga tuatahi a Wairau, te wāhi tuatahi i tūtuki ai ngā iwi whakatere waka e rua, te Māori me te Pākehā.

He tohu tēnei e tuitui ana i te hunga mātakitaki i tēnei mahi whakairo ki te whakapapa me te wairua o tēnei rohe o Wairau.

Kei te tauihu o te waka e tū ana te atua nei a Māui he tohu o ngā mahi whakatere waka, ā, hei whakamaharatanga e noho ngātahi ana tātou i Te Moana nui a Kiwa, e haere whakamua ana.

Kei konā anō ngā tūpuna a Tukauāe me ōna wāhine a Hinerewha rātou ko Hinepango me Ruamate, e whakapapa ana ki a Wairau.

Mā tēnei mahi toi ka tuituia te tangata whenua o Wairau ki ō rātou tikanga me ō rātou whakapapa hei maumahatanga mō tō rātou manawaroa. 

Ka mahue mai hei maumaharatanga mo ngā uri whakatipu, ā, hei tohu mātauranga kia mau te rangatahi ki tō rātou ake tikanga, hei kawe ki mua.

Kei te teihana o Blenheim tēnei mahi toi e tū ana, ā, āpiti atu kua tuhia ētahi kōrero mō te tangata whenua me te manuhiri kia mōhio rātou i ngā tōtika kōrero mō ēnei tīpuna.

E kī ana a Nicholas, e pono mārika ana te mahi tahi me te Rātā Foundation hei whakaatu i ngā wawata o te iwi. 

“Kātahi hoki te whanaungatanga pai me Rātā, i tīmata i te taenga mai o Steve Merito, te Engagement Advisor Māori”

He ngākaunui kia tino kaha ngā hononga mai mātou me ngā ropū e maha tahi ana me mātou. Ko ngā pūtea ka puta mai i a rātou te ākinga mō te haere whakamua. He maha ngā huarahi mō te mahi tahi mātou me Rātā.  He tīmatanga noa iho tēnei.

I tautoko a te Rātā Foundation i a Rangitāne o Wairau tae rawa atu ki te hurainatanga o te mahi toi kia riro mai te pūtea i raro i tana “Participate focus area”.

Whai ai a Rātā i te whakamanatanga o ngā takitahi me ngā whānau kia whakauru pai ai i te ao Māori, me te mea hoki kia mōhio ake te māramatanga me te hononga ki ngā tikanga Māori.

E manawanui ana a Rātā ki te mahi tahi tonu i te taha o Te Rūnanga o Rangitāne o Wairau, hei whakakaha ake i te hononga me te maramatanga kia haere takitahi ai i ngā tau ki mua.